A Ruka Sumdawnna Thalo Tak Kalpuitu Model Nunrawng Chuan A Fapa Kum 4 Tlin Lawmna Birthday Party-ah A Pasal Tihlum Tura Thupek Chhuahin An Kaphlum!
A Ruka Sumdawnna Thalo Tak Kalpuitu Model Nunrawng Chuan A Fapa Kum 4 Tlin Lawmna Birthday Party-ah A Pasal Tihlum Tura Thupek Chhuahin An Kaphlum!
An fapa a kum 4 tlinna pianchamphaphak lawmna party-ah a pasal chu a thih ngei theih nan he model hian ruahmanna siamin thupek a chhuah tih hriat a ni.
Model Camila Marodin hi rinloh tak maiin, mi hriatlohin a rukin damdawi ruihtheih a lo hralh ru thin a, misual pawl lian tak nen inzawmna thuk tak an lo nei reng a ni. Chhungkuain an fapa birthday an lawm laiin a pasal Ricardo Marodin chu kahhlum a ni.
Police te chuan a tir lamah chuan model pasal Ricardo chu misual hotupa ah an lo ngai a mahse, a nupui zawk chu coastal town, Matinhos, Parana a misual pawlah dinhmun pawimawh tak chelhtu a lo ni reng tih an hrethiam ta a ni.
Model Marodin hian a rukin in manto ta tak tak 13 (3 million) Brazilian real ($547,900) bakah Car 5, Audis leh Porchse te a nei bawk. A pasal a thih hnuah Police hmaah model Maridin chuan a pasal kahhlum a nihna chhan chu hriatsual vang a nih a rinthu a sawi. Mahse, fashion influencer leh model Marodin chu a pasal bakah police officer thihnaah mawhphurtu bera ngaih a nia an man zui ta a ni.
Police te sawidanin, Marodin chu a nu leh pa in atanga a haw kawngah silai a thuruk an man sak a, a hnuah an huana silai a thuhruk pawh Police ten an laichhuak leh bawk a ni.
Parana Military Police, Commander Colonel Hudson Lenncio Texeira sawidanin, heng misual mahni ngaiha nilian takte hian an neih sum leh an car man to tak tak chu duh tawhin an pholang a, sualna leh inbumna hmanga an neih thilte chu an thupbo lem lo a ti a ni. Model Marodin bakah hian damdawi tawlhruk thubuaia inhnamhnawih mi 14 lai an man tel bawk a ni.
