Your Daily News

A Pasalin A Naupai Titla Tura A Nawrna A Hnial Avangin A Taksa Pum Meia Halin Thih Ngamin A Hliam

0 617

Labanese nu thla 5 mi fa pai mektu chu a pasalin a naupai titla turin a nawr nasa a mahse, a pasal thu chu hnialin a naupai chu a titla duh lo a ni. Tianga a pasal thu a hnialkalh avang hian a pasal chuan meiin a hal zui ta a ni.

A pasal kut tuara rum nu lainatawm tak Hana Mohammed Khodar kum 21 a upa chu Tripoli Damdawi inah tlanpui a ni a, doctor te chuan a pumchhunga naute chu lakchhuah a tul niin an sawi.

Pawikhawihtu AA tia hriat nupui Mohammed Khodor hi December thlaah naute nei tur a ni nghe nghe. A pasalin a naupai titla tura a tih lai hian a phal lova, naute chu pai chhunzawm a duhthu a hrilh hnuah an inhnial zuia, a pasal chu rawng takin a che zui ta a ni.

Khodor te chhungkua hi an rethei ve hle niin an sawi a, a pasal hian fa neih chu a zuam lul lo a nih hmel. An inhnialna chhanah pawh chhungkaw khawsak dan leh sum leh pai lam chu a tel tih hriat a ni.

Al-Salam Hospital doctor in Arab News a hrilhdanin, Khodor chu August 6, 2022-ah Damdawi inah dahluh a ni a, a damkhawchhuah theihna chance chu a awm lo tluk a ni a ti bawk. Khodor taksa hi 100% zet a kang niin a sawilang bawk.

Mohammed Khodor chu a hliam a nat em avangin a pumchhung naute pawhin a thih phah a, naute insiam mek chu lakchhuah a ni dawn tih doctor te chuan an sawi.

Labanese Internal Security Forces te chuan pawikhawihtu hi an man tawh a, hremna pek dan tur thukimchang tak erawh an la tarlang lo thung.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!