Your Daily News

A Nupui Ngaihzawng Zahmawh A Tansak Hnuah Inhriatreng Nan A Kawlthat Avangin Kum 20 Chhung Tân Inah Khung A Ni

0 915

Gilchrist County, Florida-ah pa pakhat Bonilla kum 51 a upa chuan a nupuiin a ruka a lo kawp thin pa pakhat chu a bakchehin a zahmawh chehchhumsak tih hriat a ni.

He thil rapthlak tak hi 2019 kuma thleng niin, Bonilla nupui chuan a rukin mipa dang a lo kawp thin a, a pasal thinrim chuan dimna tel hauh loin phuba a la zui ta a ni.

Bonilla chu a nupui bialpa chenna inah kalin silai a keng a, inchhungah lutin chair-ah a thuttir a, bakcheh phawrhin a nupui lo mutpui thintu zamawh chu a tansak zui tih Gilchrist County Police-te chuan an sawi. A zahmawh chu inhriatreng nan tiin an in lamah a hawn phei niin an tarlang bawk.

Pa turu tak Bonilla kum 51 a upa chu mi zahmawh a tansak avangin thiamloh chantir a nia, kum 20 chhung tang tura hremna pek a ni. Hei bakah hian zangnadawmna sum fai $250,000 chawi tura tih a ni bawk.

Police-te zawhna chhangin Bonilla chuan a hma pawhin a nupui bialpa chu a nupui kiangah inlan tawh lo turin inralrinna thu a lo chhak chhuak tawh tih an sawi. Bonilla kut tuartu hian a mipa nihna chu kumkhuaa a hloh hlen tawh tur thu amah buaipuitu doctor-te pawhin an tarlang bawk. Pa vanduai tak zawng ani e.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!