Nilaini liam ta khan Bangkok, Nonthaburi province-ah kum 41 mi Suwat chu a nupui bialpa nen Police station kawtah an insualbuai laiin vanduaithlak takin a thi tih hriat a ni.
Thil thlendan mita hmutute sawidanin, Suwat chuan a nupui kum 30 mi Bee leh a nupui bialpa Wichai Phatyen te chu Bang Mae Nang Police Station-ah an buaina chinfel a nih theih nan a kalpui hlawm a, Police ten thurawn an pek fuh loh avangin, station pawnah vanduaina hi a thleng zui ta a ni.
Tianga an inhnialbuai hnu hian Suwat leh Wichai te chu an insual zui a, an inkhawih nat em avangin vanduaithlak takin Suwat chu leiah a tlu a, nikhawhrelova a awm hnuah a boral zui ta a ni.
He buaina chhuahna hmunah hian Rescue team te chu rang takin an lo thleng nghal a, vawi tam tak CPR an tih hnu pawhin Suwat nunna chu an la let thei ta chuang lo tih an sawi.
Police report atanga a landanin, Suwat chuan a nupui lakkir leh tumin, a bialpa Wichai te in lam a pan a, Wichai chuan Suwat nupui Bee chu haw a lo phal bik lova, thutlukna an siam theih tak loh avangin an 3 in Police station lam an pan zui ta a ni. Thil thlendan kimchang chhui zui a nih tur thu thuneitute chuan an sawi.
