Turkey ramah nu pakhat Rasaa Osman kum 27 mi chuan a fapa kum 7 a upa Azzam Al Abdullah chu an chenna inah tui siakna thelret dawt hmangin a vawhlum tih an sawi.
He tualthatna rapthlak hi Turkey ram, Konya khawpui, Pirhasan Street a thleng niin, mipa naupang hi Curfew puan a nih hnua in lama a lo haw chu a nu thinrimin a sawisa ta chiam mai a ni.
Tualchhung media tarlan danin Rasaa Osman chuan a fapa hi thelret dawt hmanga a vuak hnuah, a chawi chhova, chhuah laiah na takin a theh pheia bawk a, nikhawhreloin a awm zui ta a ni. A hnuah khumah muttirin tui vawt a leih zuia, a hnar leh ka atangin thisen a chhuak nasa hle bawk.
Al Abdulla chuan naupang thi ruang chu hmuin, police lamah a hriattir nghal a, Rasaa Osman leh a pahrawnte chu an man zui ta ani. An fapa thihna chungchangah thuzawh fiahna an neih laiin, an fapa kum 7 mi Azzam Al Abdullah chu COVID-19 avanga thi a ni tiin Police te hmaah dawt an sawi a ni.
Police-ten chhuichianna an neih hnuin mipa naupang chu sawisak hlum ngei a ni tih an sawi a, Rasaa Osman chu a fapa a tihhlum avangin damchhung tang tura hremna an pe zui ta ani.
