Your Daily News

A Fanu Pasal A Neih Nawntir Leh Hnuah Phuba Lak Nan Misual Pawlten A Hnar Leh Beng An Hlehthlaksak

0 1,509

Rajasthan state a khawsa pa pakhat chu a fanu pasal then tawh pasal dang a neihtir leh hnuin, misual pawlten a hnar leh beng an hlehthlaksak tih report chuan a tarlang.

Police te sawidanin, Sukhram Vishnoi chu Thawhlehni liam ta khan an in lam pana a haw, inchhung a lut deuh chauh tihah misual rual 6 in an zui ru a, inchhungah luhkhungin an sawisa zui ta a ni. Misual pawlte hian Vishnoi’an a fanu pasal then tawh pasal dang a neihtir leh chu duhloin phuba lak nan a beng leh hnar an hlehthlaksak ta a ni. Pawikhawihtute hian a beng leh hnar an hlehsak chu an tlanbopui tih an sawi.

Vishnoi fanu hian pasal a neih atanga kum 6 liam hnuah, a pasal thenin nu leh pa inah a haw a, hemi hnu hian a pa chuan pasal dang a neihtir leh ta a ni. Tianga pasal a nei leh tih a pasal hmasa chhungten an hriatchhuah chuan an thin a rim hle a, phuba lak nan misual pawl ruaiin tiang hian ruahmanna an siam ta a ni. He hmeichhia hi misualten an khawih mai theih loh avangin a pa chungah an nunrawn an chhuah ta a ni.

Mr. Vishnoi hi Jodhpur damdawi in lamah tlanpui nghal a ni a, a ke ruh a tliah bakah a taksa hmundang pawh a hliam nual niin an sawi. Vishnoi fanu chuan a pa beih a nih chungchangah Sedwa Police station-ah FIR a thehlut a, thil awmdan police ten an chhui zui mek tih an sawi.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!