Florida pa chuan a fanu kum 13 mi naupai mek chu “Mtlaktlailo” tia kohin mahni intihlum turin a nawr tih an sawia, a chetdan rawng tak avang hian Police-in an man zui ta a ni.
Gared Wayne Canales kum 33 a upa chuan a fanu kum 13 mi naupai chu phone kaltlanga biain, “mihur” tia kohin mahni inthat turin a ti a, a tawngkam mawilo tak hi a fanu thiante pawhin an hria tih an sawi a. Naupai avanga mahni fanu mahni inthat tura a nawrluih bawk avangin thubuai rip tak a awrh zui ta a ni.
Court thuziaka a landanin, Ormond Beach a khawsa Gared Wayne hian a fanu kum 13 naupai ai chuan a bialnu a thlan zawk thu pawh ziahlan a ni a, ran ang maia nghaisak a pawi tih loh thu pawh tawngkam a lo chhakchhuak hial tih an sawi.
Tianga mahni fanu ngei mawi lo taka tawngkaa a beih vak avang leh mahni intihlum tura a tih avangin April 14 khan Massachusetts-ah Police-in an man ta a ni.
Tun dinhmunah Gared hi Bail theih loh turin Flagler County Jail-ah a tang mek a ni. June ni 19 khan Gared Wayne Canales chu a fanu nen inhnimhnai lo tura tih niin thupek khauh tak chhuah a lo ni tawh bawk.
