Your Daily News

He Hmeichhia Hi A Pum Nat Avanga Damdawi In A Pan Hnuah Mipa A Nih A Inhrechhuak

0 3,131

Kolkata nu pakhat kum (30) mi Birbhum a khawsaa kum 9 lai pasal nei tawh chu hmeichhe nunphung pangaiin kum 30 teh meuh hun a lo hmang tawh tih hriat ani. Mahse, thla 2 liam ta a pum nat avanga Netaji Subhas Chandra Bose Cancer Hospitala enkawlna a dawn hnu chuan a nun pumpui chu a inthlak danglam ta vek a ni.

He hmeichhe hming thup hi a hmeichhe nihna zawng zawng chu doctor-ten tih tawpsakin mipa a nih mai piahlamah testicular cancer a vei tih hmuh chhuah a ni.

He hmeichhia hian mak tak maiin Androgen Insensitivity Syndrome a neih thu an sawia, hei hi mipa nihna nei thlapa piang siin a taksa bung leh hmelhmangte erawh hmeichhia a ni thung.

Hei mai a la nilo cheu, a farnu kum 28 mi pawh he thu puan anih hnu hian test paltlang tura tih a nih hnuin test paltlangtir a nia Androgen Insensibity Syndrome a lo ni ve reng bawk tih an sawi a ni.

Clinical Oncologist, Dr. Anupam Dutta leh surgical Oncologist, Dr Soumen Das-te chuan a taksa harsatna neihte zirchiangin a dinhmun dik tak an hmuchhuak ta a ni.

A taksa, a hmel leh a engkim chu hmeichhia thlap niin a piantirh ata chhul leh chibawm erawh a nei hauh lo thunga a period ngai lo bawk tih Dr Das chuan PTI a hrilh. He thil hi thil vang tak niin mi 22,000 ah mi 1 an awm ve tawk tih an sawi ani.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com