Your Daily News

Puithiamin Amah Nena Inngaizawng Nu Pakhat Rai Lai Chemtein A Vithlum

0 855

Nu pakhat naupai mek, puithiam pakhat nen inngaizawng nia sawi chu he puithiam hian Buriram hmunah chemtein a vithlum tih hriat ani. An sawidani he hmeichhia hian fing takin a thangkamah awhtir a tum niin an sawi.

Khu Mueng district, Hin Lek Fai Police starion Deputy Investigation Chief, Pol Capt Suriya Leenuwat sawidanin he invihna hi Ban Mai Charoensuk kawngpui bul lawk Tambon Tum Yai a thleng a nih thu a sawi.

Mita hmututen investigators-te an hrilh danin sakhaw rawngbawltu puithiam, Phra Um Deeruenrom kum (56) a upa Wat Ban Nong Bua, Tambon Tum Yaia rawngbawltu luber ni bawk hian van a khalh tih an sawia tum lawkna neiin a hmaa pickup lo tlan chu a su zui nghal tih an sawi.

He a pickup khalhtu hi Tambon Administration Organisation (TAO) member ni lai mek niin a nupui naupai mek Lampai kum (36) mi pawh motor ah hian a chuang ve tih an sawia, a nupui hian thla 8 mi nau a pai mek tih hriat a ni. Motor 2 intauhte hi a chhe hneh hle bawk.

Motor atang hian hmeichhe naupai hi lo chhuakin a tlanchhiaa, puithiam hian chem sei zet kengin a umzui ta nghala a vit zui ta a ni. Hmeichhia hi a lu leh a banrek ahte hliam na tak tuarin a hmunah hian a boral nghal tih police-te chuan an sawi.

Hmeichhe naupai vihhlum tak hi damdawi in lamah kalpui a nia a naupai pawh a thi tih an sawi. Naupai lai Lampai pasal hi a hliam a nat avangin a nupui hi a chhan thei lo tih an sawi a ni.

A hnuah he tualthattu puithiam hi a chhunglehkhatte inah police-ten manin he nu hi ama thah ngei ani thu a inpuang nghala a chhan leh vang erawh a sawi tha duh lo a ni.

Tualchhung mite sawi danin he puithiam leh hmeichhe thi ta Lampai hi an inngaizawng niin an sawia hmeichhia hian vawi tam tak a koh thina pawisate dilin midangte hriatah a hming puanzarsakah leh an inkar thu chu midang hriah ah puanzar a ni dawn tiin a vau thin bawk tih an sawi.

Puithiam Phra Um hi a nihna atanga ban niin tumlawkna neia tualthattuah leh dan phalloh hriamhrei chelekah puh niin thiamloh chantir ani.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!