Your Daily News

Mipathmeichhiatna Lam Hawia Hmeichhe Tleirawlte Hralhruk Thubuai Kaihhnawihah Mi 6 Police-ten An Man

0 268

Superintendent of Human Trafficking Suppression Division 5, report danin vawiin 30, 2020 dar 11:00am vel khan Ratchaburi province ah mihring hmanga kum 10 chuang lai sumdawnna lo kalpui tawhtu nu pakhat Sasirat tia koh Kum (40) a upa man anih thu an tarlang.

He sumdawnna kalpuitu nia rinhlelh hmeichhe kum (40) a upa hi June 15 khan thubuai siamsak niin man theihna thupek warrant tih chhuah a nia vanneihthlak takin Bangkok chhimthlang lam, Ratchaburi province ah an man thei ta hlauh a ni.

He nu rapthlak leh sual tak hian hmeichhe tleirawl kum (15) hnuailamte chu sumdawn nana lo hmangin mipathmeichhiatna kaihhnawihah sum zawn nan a lo hralh ru thin hlawm a ni.

Police-ten thu an zawhfiah lai pawhin puh a nihna chu thudik a ni tiin hnialkalhna engmah a nei lo tih an sawi a ni.

Traffic suppression police-te chuan June 9 atang tawh khan Kanchanaburi leh Ratchaburi province-ah mihring hmanga sumdawnna leh hmeichhe naupang kum tlinglote mipathmeichhiatna kaihhnawiha hralh ruk an nihdan leh sumdawnna an kalpui dan chu ngawrh leh zualin hnuchhuihna a kalpuia tunthleng hian mi 6 lai mai he sumdawnna thubuai kaihhnawihah hian an man tawh a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com