Your Daily News

An Inneihna A Pasal Chhungten An Pawmpui Theih Loh Avangin A Pasal Leh A Unaupain Lungin An Deng Hlum

0 676

Pakistan ah hmeichhe kum (24) mi chu a pasal leh a unaupain lungin an denghlum tih hriat a ni. He hmeichhia hi an chhungkaw zahawmna humhim nana tihlum an ni tih an sawi.

Waziran, kum (24) mi chu Wadda Chachara, thingtlanga khawsa niin tualchhung police-te chuan Indus Highway kawngpui bulah June 27 khan a ruang hi an hmuh thu an sawia, a taksa chu hlehsawm niin a hmelhmuh a hreawm hle tih an sawi a ni.

A lan danin he hmeichhia hi chhungkaw tan zahna thlentu leh chhungkaw hming tihmelhemtu ah ngaiin lunga denhlum a nih an rin thu Sindh police-te chuan an sawi. He hmeichhe ruang hi a chhe hle tih an sawia lung leh thing hmanga beih a nih hnuah a thih an rin thu an sawi a ni.

Sindh police-te sawidanin Waziran kum (24) a upa chu, a pa Gurl Muhammed pawhin a tir ah chuan accidenta thi ah ngaiin police-ten an chhui chian hnuah a pasal, Allah Baksh leh a unaupa Kareem-ten an that tih an hrechhuak ta a ni. A fanu thlanah thuin tap chungin a fanu tan rorelna dik thleng ngei se a duhthu tap chungin a sawi chhuak a ni.

Police thuchhuahin a tarlan danin Allah Baksh leh Waziran inneihna chu a chhungten an pawmpui theilo tih sawiin an chhungkaw zahawm nan a unaupa Kareem nen a nupui Waziran chu an deng hlum ta tih a sawi a ni.

An unau hian police-te kutah an awm tawh tih hriat a ni. A rapthlak hle mai.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!