Your Daily News

An Fapa Kum (5) Mi Zawhte Mutna Bawm-ah Daha Tuiso Leiha Tihlumtu Nupa Tuak Chu Kum 27 Tang Tura Hremna Pek An Ni

0 2,480

An fapa zawhte bawma khunga tuiso leiha tihhlumtu nupa tuakte chu kum 27 chhung tang tura hremna pek an ni.

Rihzuan Mega Abdul Rahman kum (28) a upa leh a nupui Azlin Ajurunah kum (28) te chuan kum 3 liam taah khan Singapore-a an chenna inah an fapa kum 5 mi lek chu nasa taka hauin tuiso hial leiha an tihhlum avangin an chungah rorelna tiang hian lekkawh a ni ta a ni.

An fapa an khungna zawhte dahna chu

Singaporea High Court Prosecutor chuan he thil thleng hi an rama naupangte chunga tualthahna leh tihduhdahna thleng tawhah chuan a rapthlak ber a ti hial ani. Ridzuan leh a nupui Azlin-te chuan an fapa kum (5) mi lek chu tuiso (92C) zet a sa in an leiha a taksa pumpui 75% chu a kang chhe vek a ni. Nupa nunrawng takte hian October ni 15 atanga 22 inkar, 2016 khan an fapa hi vawi 4 lai tiang hian tuiso leihin an lo tiduhdah a ni.

Prosecutor sawidanin tuiso hmanga an fapa an leih lai hian an fapa chu auchhuakin “In â ta em ni? Eng thil nge in tih hi?” tia a nu leh pa a chhan let hnu chuan a nu leh pate te hi an thinrim a zual tih sawiin tiang hian a hma aia nasain an che zui ta a ni a ti. He naupang hi zawhte dahna bawma a awm laiin thi chhawga hmuh a ni tih thuneitute chuan an sawia damdawi inah dahluh a nih hnu rei vak loah a boral zui ta a ni.

Prosecutor chuan hei aia nunrawnna dang hi a awm tawh dawn chuang em ni a ti thlawt a ni. An nupa hian an tuhrah seng letin hreawm taka kum 27 chhung tan in ah khung an ni dawn ta ani. An fapa vanduaina tawka boral ta hming hi thuneituten tarlan an phal lo ani.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!