Your Daily News

A Fapa Chemtea Vihhlumtu Chhuah Zalen Hma A Nih Avanga Rilru Nâ-in A Boral

0 464

Debbie Makki, kum 55 mi chu Chawlhni tuk khan rilru nain a boral tih hriat a ni. A fapa Yousef kum 17 a upa chu Gorse Bank Road, Hale Barns-ah March 2, 2019 khan mi nen insualbuaiin vanduaithlak takin a thin hnunah tak chemte vih a nia a boral zui ta ani.

Thuchhuahin a tarlan danin Makki fanu Jade Akoum chuan a nu a fapa ngaia ruma hun khirh tak hmang thin chu Sunday tuk dar 4am khan thlamuang takin a fapa nen in tawk turin a chawl ta tih a sawi a ni. “Pathianin thlamuangin chawlhtir che rawh se! Kan zingah cheng rih turin duh che mahila Yousef hnen i thlen ngei a tul si! Hlim takin in awmdun tawh dawn nia” tiin a fanu hian a nu thlahna tawngkam a sawi chhuak nghe nghe.

Joshua Molnar kum 18 a upa chuan Makki fapa Yousef chemte hmanga a nunna a lak avangin kum hmasa khan thiam loh chantir a lo ni tawha hun rei vaklo tân ina a awm hnuin hmanni mai khan Manchester Crown Court chuan he tualthah thubuai hi ngaihtuah nawn lehin Yousef chu mahni sa him nan Joshua’n a vit ta mai a ni tih tanchhanin Court hian a chhuah zalen ta a ni. Thla 16 chhung custodya dah a nia a hnuah a case hi chinfel sak niin thiam a chang ta hlauh a ni.

Makki leh a chhungte chu an fapa Yousef thihdan kimchang tak tarlang tura hriattir an nia, an mahni aiawha danhmaa ding Mathew Sunbury sawidanin he rawlthar thihna chungchangah hian evidence a tha tawklo niin an sawi bawk.

An fapa boral hnu chuan hemite chhungkua hi anti-knife campaign ahte pawh telin Makki hian Manchestera sum tello mipui vantlang himna leh damna lam chu an ngai pawimawhzia an tarlang bawk.

Mayor of Greater Manchester, Andy Burnhum pawhin Yousef a boral ta chu pawi an tih thu leh a uizia a tarlang ve bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com