Your Daily News

A Bialpa Hnenah An Pawngsual Ang Thu A Phuah Chawp Avangin Tualthahna Rapthlak Thleng Zuiin A Bialpa A Chân Phah

0 536

Rawlthar pakhat chuan a bialnu pawngsualtu a puh mi pahnih chemte hmanga vitin a hnuah amah a inthat zui bawk.

Ruslan Lebedev kum (26) mi chuan Maxim Khabibullin kum (17) mi leh Alexander Rain kum (16) te chu chemte in a vit tih an sawia he thil thlen chhan pawh a bialnu hian Ruslan hnenah mipathmeichhiatna hmanpui turin hemite 2 hian an nawr lui tia a hrilh vanga tianga buaina thleng a nih thu an sawi.

Khabibullin hi a pawikhawihna hmunah a thi nghal tih an sawia, Rain erawh vanneihthlak takin Omsk ICU, Russia ah dahluh a nih hnuin a dam chhuak leh ta a ni.

Mahse, a hnuah Anna, Ruslan bialnu chuan he thil hi a phuah chawp a nih tih sawiin engkim a tlai zo ta a ni ber. Ruslan chu he a thil tih avang hian Nilaini 24, 2020 khan ama nunna inla zuiin ramhnuaiah a ruang an chhar thu hriat a ni. A ruang bulah hian silai puakruk hmuh a nih thu an sawi.

Anna chuan a thian 2 te chunga thil thleng chu pawi a tih thu sawiin a bialpa khan heng ang thil rapthlak hi a tih a rin loh thu a sawi a ni.

Anna hi thuzawhfiah atan police station lamah hruai nghal a nih thu tualchhung media chuan a tarlang. Dawt sawi lo se heng ang thihna rapthlak hi a thleng lovanga a bialpa pawh a chan lo tur.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com