Pique’an a nupui hlui Shakira chu an inthen hnu pawhin a bei chhunzawm zel tih hriat a ni a, hetih lai hian miler a pasal hlui lakah zaithiam Shakira pawh tlawm mai a tum hauh bik lo!
Tun dinhmunah Gerard Pique leh singer Shakira te chu an fate enkawlna chungchangah an ngaihdan leh duhdan a thuhmun thei lova, Barcelona Defender chuan a fate 2 Milan leh Sasha te chu Miami lama a nu bula kal a phalsak bur lo tih hriat a ni.
Tianga an inthen hnua buaina neuh neuh an hmachhawn tak hnu hian an 2 hian Lawyer ruaia inbeihchhunzawm zel an tum tih thulakna chuan a tarlang a, Pique khawsakdan thuruk leh thildangte pawh hailan belh a nih ngei a beiseiawm ta bawk.
SHAKIRA LEH PIQUE TE INKARAH INREMNA A AWM THEI LO.
Thu tam hriat nilo mahse nupa inthen tawh ex-couple te hian hmanni lawk khan remna zawn tuma inhmuh an tum nia hriat a nia mahse, Pique’an a fate Florida lama a nu bula kal a phalloh hnuin singer Shakira chu a thinurna a sosang zual tih an sawi.
He thil thlen hnu hian, Shakira chuan Pique mimal thil leh a thuruk tumah la hriat ngai lohte chu puanzarsak a ni dawn tiin vaukhanna awka a chhuah zui bawk a ni.
“Ka khawsakpui leh ka mipa chenpui hi tunge a nih tih ka lo hrechiang hauh lo a ni, ka bansan mai dawn lo” tiin Shakira chuan Informalia a hrilh nghe nghe.
