Your Daily News

Ye’an A Hnuai Yeezy Hnathawktu te Hmuhah Kim Kardashian Thlalak Zahmawh Rawngkai Leh Videos A Pholang!

0 9,270

Rapper Kanye West chuan a brand Yeezy hnuaia thawktu mi engemaw zat hmuhah Meeting laiin Reality star Kim Kardashian thlalak zahmawh rawngkai leh mipathmeichhiatna a hmanna videos a pholang tih hriat a ni.

Rolling Stones in a tarlandanin, heng videos thalo leh thlalak zahmawh rawng kaite hi Kanye chuan mi vaukhan nana a pholan a nih thu a tarlang a, tunhma pawhin Rapper Kanye West hi mak tak takin a che fo thin niin a tarlang a ni.

Yeezy staff thenkhatte sawidanin, 2018 kun pawh khan hna interview an hmachhawn laiin Ye chuan Kim Kardashian thlalak zahmawh rawngkai a lo hmuhtir hlawm niin an sawi a, “Heng thlalakte hi ka nupui Kim K in min thawn a nih hi” tiin a lo hrilhfiah hlawm a ni. Kim K thlalak hmutute pawhin Kanye thlalak kawl chu mimal thil lutuk leh a chip a chiar Kim K taksa lanna a ni tiin an sawi ve bawk.

Hei bakah hian Gold digger singer Kanye chuan Kim K videos bawlhhlawh bakah, amah leh hmeichhe dang an mutdunna videos pawh a hnuaia hnathawkte hmaah a pholang thin niin report a awm bawk.

He a khawsakdan mawi lo tak avang hian Adidas Executives lam pawhin open letter an dawn phaha, an hnathawhna boruak chu mipathmeichhiatna lam hawia mi hruai luih tumna siam tumah puh an ni a, Yeezy leh Adidas pawhin an thawhdunna chungchangah harsatna an tawh phah a ni.

Hmanni lawk a Juda ho dodalna lam hawi post a siam hnu khan Adidas chuan an thawhdunna pawh a chhu chat zui nghe nghe a nih kha!

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!