Your Daily News

VMAs Red Carpet-ah UFC Star Lar Conor McGregor Leh Singer Machine Gun Kelly-te Inkarah Buaina A Chhuak!

0 934

UFC Champion Conor McGregor leh Machine Gun Kelly te chu VMAs Red Carpet ah inhnialbuaia an inhmachhawn hnuin thelh ngai khawpin boruak a sosang tih Page Six chuan a tarlang.

Hming tarlan loh mi pakhatin Page Six a hrilh danin, “Red Carpet ah an inhmachhawn hnuin boruak a sosang hle a, an 2 hian thelh an ngai hial a ni” tiin a sawi lang a ni.

Thlalaka a lan dan ang hian, UFC Champ McGregor kum 33 a upa leh Bloody Valentine singer Machine Gun Kelly kum 31 mi te chu milar thahnem tak hmaah an innawr zuia, a hnuah Security lam chuan an thelh thei hram a ni.

Thudawnnain a tarladanin, tianga McGregor leh Machine Gun Kelly te an inhmachhawn mek lai hian UFC Star ropui chuan a zu in lai chu Machine Gun Kelly lamah a theh khum tih a sawi bawk.

An intihbuai lai an thelh zawh hnuah McGregor chuan MGK chu a va khawih nawn leh ngata, thlalatu (photographers) chu buaina chhuah avang hian an hlim lo hle niin thudawnna chuan a tarlang bawk a ni. A chhan ber pawh MGK leh Megan Fox te chu VMAs Red Carpet ah an inlan theih loh an hlauh vang a ni.

Buaina a sosan tak tak hmain Security lam chuan MGK leh McGregor te buaina chu an chingfel thei ta a, MGK leh a bialnu Megan Fox te pawh dan pangaiin VMAs Red Carpet chu an mawi leh thei ta a ni.

Hetih lai hian UFC star McGregor chu a nupui Dee Devlin nen an inzui ve bawk a, McGregor chuan fighters te bak a beihpui ngai lo tih Page Six a hrilh zui bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!