Your Daily News

Thudik Thup Zawh Rual A Ni Ta Lo! Actor Leo Leh Model Gigi Hadid Thawm A Lian Chho Zel

0 10,021

Tunlai social media lama thawm nei lian tak milar 2 actor DiCaprio leh a bialnu nia an sawi model hmeltha Gigi Hadid te inkar thu chu a ni telin a lian chho zel a, an 2 hian Friday zan khan an in date lai hmuh a ni leh ta!

Titanic star Leo leh Gigi te hi New York City, Capriani restaurant atanga zanriak an kil zawha an chhuahdun lai thlalak chu social media lamah a darh leh ta chuai chuai mai a ni. An 2 hian an inkar thu chu thupbo tum hle mah se an an chanchin chu an thupbo thei tak tak lo a tih theih.

Milar inkawp thar te hian an hmai chu paparazzi te hmaah thupbo an tum nasa mai a, Leo kum 48 a upa hian Jacket dum hain Baseball lukhum khumin mask a vuah a, a hmai chu amah thlirtute tan pawh hriat hran a har hle. Gigi pawhin a hmai chu a thup nasa hle bawk. Hei a chhan ber pawh an inkar thu chu a ruka kalpui a tum vang a ni.

Leo kum 48 a upa leh model lar Gigi Hadid kum 27 mi te hi September thla liam ta khan Fashion Week neih laiin an intawng tih hriat a ni.

Page Six in a tarlan danin, Leo leh Gigi te hi thla liam ta mai khan an 2 in Brooklyn, Navy Yard-ah Halloween party an hmang dun lai hmuh an ni leh bawk a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!