Zaithiam Taylor Swift chuan New Zealand-ah Eras Tour a nei thei dawn lo tih a puan hnuin Kiwi fans sang tam takte chu an lung ni lo hle tih hriat a ni.
Pop superstar Swift chuan Sydney Accor Stadium-ah zan 3 hun a hman dawn bakah, Melbourne Cricket Stadium-ah zan 2 a inlan dawn tih Nilaini khan a puanga mahse, hetih lai hian thenawm ram New Zealand erawh sawilang lo thung.
Fans thenkhatte sawidanin, New Zealand-ah hian zaithiam Taylor Swift chuan a duh anga inthehthangna hmun zau Stadium a hmu lo niin an sawi a, hetih lai vek hian mi tam zawk pawhin hmunhma awm lo lutuk chu Taylor buaina a ni an ti ve bawk.
Tianga Taylor-in thutlukna a siam ta mai chu Kiwi fans te tan chuan thu lungchhiatthlak tak niin, a hmel an hmu lo tur chu hreawm an ti hle tih New Zealand Herald chuan a tarlang.
