Your Daily News

Taiwanese Singer Lar Jeannie Music Video Thar YouTube In A Khapsak

0 1,905

Taiwanese singer Jeannie Hsieh music video single thar ‘Turn Face Mask’ tih hla chu Thawhtanni khan online lamah a darh hnuin YouTube chuan a tihchhuah a khap tih hriat a ni.

Chinese ṭawng media pakhatin a tarlan danin kawr zawrhlai ha chhintu atana an hman hmeichhe hnute lang siamchawp lim phenah zaithiam hi a dinga, he thil hi YouTube chuan an huanga telh atan thil remchang lo a ni tiin an lo khapsak zui tih an sawi.

He Taiwanese zaithiam lar kum 45 mi hian Thawhlehni October 27, 2020 khan wheelchaira a thulai chu Instagram ah post in a hriselna pawh a tlahniam hle nia ngai an awm bawk.

Jeannie chuan a chunga thil thleng chu sawilangin kum 31 chhung music lama ke a lo pen tawhnaa a vawi khat harsatna tawhna a nih thu a sawi chhuak nghe nghe.

A sawi zelnaah pawh David statue pawh khap a ni lova, kawr ha chhintu tur a tana siam milim hnute lang mai mai chu an pawm ve tur ah a ngai tih a sawi a ni. Tianga a music video tih tawpsak anih avang hian rilru nain a tap tih an sawi lang bawk.

Facebook lamah pawh a chunga thil thleng avanga a tawrhnate pawh a shared tih hriat a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!