Your Daily News

Supermodel Gisele Nena Inthen Ta Tom Brady Leh Paige Spiranac ten Tunlai Hian Sawi Zawm An Hlawh

0 2,419

Hmanni mai a nupui supermodel Gisele Bundchen nena inthen ta kum 45 a upa Tom Brady chu tunlai hian a chanchinin sawi a hlawh chho hle a, tu ber nge Tampa Bay Buccaneers Superstar QB kawppui ni leh ta ang tiin fans ten an ngaihtuahna an seng leh mek tih hriat a ni.

Hmanni lawk a nupui then ta, NFL player Tom Brady kawppui ni thei tura khawvel hmeichhe hmeltha thlan chhuah zingah supermodel Alessandra Ambrosio leh Andriana Lima te pawh an tel a, tun dinhmunah Instagram lama Followers 3.7million zet nei pha golf influencer Paige Spiranac kum 29 mi chu Tom nen inkawp theihna chance nei sang bera sawi a ni.

Hmanni lawk khan Paige Spiranac followers te zinga mi pakhat chuan tiang hian rawtna a ziak lang a, “Tom Brady ni ngat ila kei chuan hmeichhe itawm leh duhawm lutuk mai @PaigeSpiranac hi ka bem ngei ang” tiin a ziak lang a, former professional athlete leh hmanni maia pasal then ta Paige chuan Tom chu a hna leh a thil tihna kawngah a puihbawm thiam ngei ang tiin Twitter lamah a ngaihdan a tarlang tih hriat a ni.

Hei bakah hian tunah Brady chuan Golf khelh lam chu a tui thar nia sawi a ni a, Spiranac nen hian inkawp se an inhmeh ngei ring fans te zingah an tam hle a ni.

Golf influencer Paige Spiranac kum 29 a upa chuan amah ngaisangtu a fan rawtna tarlan chu a hnialfithla lem lo tih sawiin, he thil hi a thlen theih reng thuin a chhang tih an sawi. Hei bakah hian Paige chuan midangte tan lawmna thlentu nih chu a tum ber a ni fo thin a ti a, amah duhsaktute chungah lawmthu a sawi nghal a ni.

Tunhmain Paige hian a mipa kawp chungchang emaw an inzuidan lam chu a sawi lang ngai lova, March thla liam taa a pasal Steve Tinoco nen an inthen tak hnu kha chuan zalen a ni tawh a, Tom Brady nen hian an inkawp lovang tih tumahin kan sawi thei lo a ni.

Mak tak maiin, Paige hian a taksa mawina leh golf lam chu a pholang thiam hle mai a, tun dinhmunah gold legends Tiger Woods, Phil Mickelson leh Rory McAIlroy te khumin khawvel Golfer te zingah Followers ngah ber a ni tawh a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!