Tunhnai maia a bialpa nen an inthen avanga boruak rawn nei thar leh singer Avril Lavigne chu dawhsanah a din laiin nu pakhatin a chhaihbuai tih hriat a ni.
‘Sk8er Boy’ singer kum 38 a upa chuan Thawhtan zan khan Canada Junos Award-ah Punjabi performer AP Dhillon chu mipui hmaah hmelhriattirna a nei a, hetih lai hian nu pakhat kekawr sendang ha, scarf a lu tuam environmental campaigner chu stage-ah lawn chhoin hnute lang kuain Avril hi a han hmachhawn zui a ni.
He hmeichhia hi a tir lamah Avril chuan haider hram a han tum a mahse, a chhaihbuai chhunzawm zel avangin second 20 vel hnuah chuan a lam a hawi nghal thuai a, stage atanga inthiarfihlim turin thu a pe nghal a, security lam chu rawn che thuaiin he hmeichhia hnute lang hi an hruai bo ta a ni.
Avril Lavigne-in amah lo chhaihbuaitu a hmachhawn dan chu fans te pawhin chhuanawm an tih thu an sawi a, he hmeichhia hi khawi lam mi nge a nih tih leh tunge a nih tih chu Local reports lam pawhin an tarlang lo thung.
