Your Daily News

SRK Fapa Aryan Khan-a’n Bail A Dilna Court In A Hnawl Leh! Actress Ananya Pandey Nen WhatsApp Kaltlanga An Inbiakna Tawngkam Dengkhawng Tak Haichhuah A NI!

0 1,543

SRK Fapa Aryan Khan-a’n Bail A Dilna Court In A Hnawl Leh! Actress Ananya Pandey Nen WhatsApp Kaltlanga An InbiaknaTawngkam Dengkhawng Tak Haichhuah A NI!

Rinloh tak maiin actor lar Shah Rukh Khan fapa Aryan Khan chu Oct.2 khan damdawi ruihtheih kawl kaihhnawih thubuaiah NCB chuan an man a, mihausa ho nuamtawlna lawnglianah Party an buatsaih laiin an thawng thut hlawm tih hriat a ni.

Man a nih hnu hian social media platform hrang hrangah mi tam takin Aryan Khan chanchin chu an sawi chamchi a, engtin nge he mihausa fapa hi damdawi ruihtheih thubuai avanga man a nih theih le tih chu mi tam tak ngaihtuahna luahtu ber a ni. Man a nih atanga chhutin jail-ah kar 3 chuang a tang tawh a ni.

Thubuai a neih avanga jaila a tan chhung hian baila chhuah lailawk tumin dilna vawi 4 ngawt a thehlut tawh a, a dilna zawng zawng hi a vaiin hnawlsak a ni zui bawk. A vawi 4 na atan hmanni lawk khan bail a chhuah a dil leh a, hei pawh hi thuneituten an ngaihtuah hnuah an hnawlsak leh ta tho a ni.

NCB ten Aryan Khan thubuai an chhuichianna kal zelah actress hmeltha tak mai Ananya Pandey chu inhnamhnawihna nei a puh a nih avangin Court-ah thuzawhfiah atan vawi engemaw zat an ko tawh bawk.

Hmanni lawk khan NCB lam chuan Aryan Khan leh Ananya Pandey te WhatsApp kaltlanga an inbiakna thu dengkhawng tak tak an hai chhuak tih India Today chuan a tarlang ani. India Today chuan he WhatsApp an inbiakna tawngkam hi an tarlang nghe nghe. An inbiaknaah hian ruihtheih thila an indawrna leh an thawhdunna lam chu hmuh tur a awm nual a ni.

WhatsApp chat pakhatah phei chuan Aryan Khan chuan Archit Kumar hnen atangin damdawi ruihtheih RS.80,000 man a order-na hmuh a ni bawk. Times of India in a tarlan danin, Aryan Khan an man lai hian 13 gram Cocaine, MD 5 grams, Charas 21 Grams, MDMA pills 22 leh pawisa Rs.1.33 Lakh an man chhuak tih a sawi.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!