Your Daily News

Singer Adele-in A Bialpa Rich Paul A Âtchilh Bur Tih Sawiin, Pasalah Neih Thuai A Duh Tih A Sawi

0 996

Sports super agent a bialpa Rich Paul anga tha a tawng tawh lovang tih singer Adele chuan sawiin, a hlim tak zet tih a sawichhuak!

“Easy On Me” singer Adele kum 34 mi chuan hmanni lawk khan Elle Magazine in interview a neihpuinaah, a bialpa Rich Paul chanchin sawilangin, LeBron James BFF Paul nen an inkar boruak a kaltluan thu sawiin, pasalah Paul chu a nei thuai dawn a ti bawk.

Adele chuan, tun ang reng hian hmangaihnaah a luang liam ngai lo tih a sawi a, Rich Paul chu pasalah neih thuai a duh tih tarlangin a âtchilh bur a ni ber a ti!

2021 liam ta pawh khan Adele chuan zep nei hauh loin, a bialpa Paul nen an inkar thu chu a lo sawilang leh tawh bawk a, an 2 hian an thinlung an inhmutlang a, hun nuam leh hlimawm tak an hmang dun thin tih a sawilang a ni.

An khawsakdan leh an boruak thlirin, mi tam zawk chuan Paul leh Adele te hi an inhual tawh niin an sawi a mahse, Adele chuan an la inhual lo tih hmanni lawk khan Elle a hrilh.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!