Your Daily News

Silai Leh Hriamhrei Kawlruk Thubuaiah Rapper Lar Lil Wayne Kum 10 Tâng Dawn

0 333

Rapper lar leh dangdai tak Lil Wayne chu South Florida-ah silai kawlruk thubuai siamsak niin thiamloh a chang a nih chuan kum 10 chhung tân in lamah hun a hman leh a tul dawn a ni.

Rapper– a hming tak Dwayne Michael Carter Jr chu tun dinhmunah man a la ni lova, November 17 a Court thuchhuak Vultures in a dawn an tarlan danin Lil Wayne hian sawrkar phalloh a ni tih hrereng chungin silai leh hriamhrei a kawl tih an tarlang. A lawyer Howard Screbnich’an a sawidanin he thubuai hi a hmaa a thil tih diklo nen chhuizawm a nih thu a tarlang bawk.

Screbnich chuan “Lil hi mi hlauhawm tak a ni tia puhna a awm loh thu leh thubuai a neihna chhan ber pawh a hmain silai leh hriamhrei lam kawl tawh lo tura tih niin hei hi a zawm thalo a ni” a ti.

He “Lollipop” singer hi a hma December 2019 khan ralthuam hlauhawm a kawl avangin thiamloh chantir a lo ni tawh bawk. Wayne hi a mimal thlawhtheihnaa a zin tumin California ah Federal authorities lam chuan dap zuiin puakruk gold rawng tle nal zarh mai an man saka, he hunah hian police-te hnenah a puakruk pai chu Father’s Day thilpek a dawn a ni a ti.

Investigators-te chuan thlawhtheihna chhungah hian silai bakah ruihtheih thil thahnem tak an man tel niin an sawi bawk. 2009 kum khan silai kawl thubuaiah man a nia, thiamloh chantir a nih hnuin thla 8 tan in ah khung a lo ni leh tawh a ni.

A silai kawl hi a hman awm hriat a nilova mahse, thuneituten kawl tawh lo tura an tih avangin dan a bawhchhe leh ta tihna a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!