Selena Leh Zayn te An Inkawp Tih A Hriatin, Gigi Hadid-in A Ex Zayn Malik Hnenah Duhsakna Leh Malsawmna A Hlan
Report atanga a landanin, singer Selena Gomez leh Zayn Malik te chu an in inngaizawng tih thawm a rik hnuah, Gigi Hadid chuan a pasal hlui Zayn chu a lawmpui tih sawiin tluang taka inkawp rem zel turin duhsakna leh malsawmna a hlan tih hriat a ni.
Gigi chuan a pasal hlui Zayn Malik-a’n zaithiam lar Selena a date pui chu lawmawm a tih thu leh an inkawpna chungchangah atan harsatna engmah a awm dawn loh thu a tarlang a ni.
Singer Selena Gomez kum 30 a upa leh Gigi ex Zayn Malik te chu New York city-ah dinner date an neih lai fans ten an hmuh thu an sawi a, an khawsakdan leh chezia thlirin an 2 hian an inngaizawng ngei tih an nemnghet a ni.
US Weekly in a tarlan danin Gigi chuan a ex Zayn chu a hlim a nih phawt chuan tu pawh zui se atan engkim a tha tih a sawi a, an fanu Khai enkawl kawngah mawhphurhna tha taka an hlen chhuah chu a duhber a ni a ti bawk.
Model hmelth Gigi Hadid leh former One Direction singer Zayn te hi kum 7 an inneih hnuah, Zayn leh Gigi nu Yalonda inkarah buaina a chhuak a, Gigi nen hian an inthen zui ta a ni.
