Selena Gomez Tana A Kal Petu (kidney donor) Raisa-in Selena Vangin Dimna Tel Lova Hmusit Leh Sawisak A Ni Tih A Sawi
Selena Gomez a kal hlantu Francia Raisa chuan, singer Selena nen an inlaichinna a chhia tih tih a sawichhuah hnuin, nasa taka sawisel leh sawisak a nih thu a puang chhuak leh ta!
Studio City Saturday-ah ‘How I Met Your Father’ star Raisa chuan Selena nen an inthianthatna leh an inzawmna a chhiat thu a sawi hnua comments duhawm lo tak tak a dawn chungchang sawiin, dimna tel hauh lovin an sawiselna leh sawisakna a dawn thu a sawichhuak a ni.
Selena nen an inkar boruak a sawilan avang hian boruak duhawm lo tak a tawng chho mek a, tun dinhmunah a rilru ngaihtuahna thleng a nghawng tawh a ti bawk.
Amah deusawhtute leh sawisatute hnen atanga a thudawn duhawm lo ber leh na ber pakhat chu tiang hian a sawi. “Tu emaw a lo kal anga i zahmawh a thler sawm anga, i kal pakhat pawh kha a laksak dawn che a ni mihurnu!” tiin…. boruak a sosang hle a ti a ni.
Actors lar 2 te hi tunhma zawng kha chuan an close tha viau mai a, Selena-in Lupus a neih hnuin 2017 kumah Raisa chuan a kal a pe hial a nih kha.
Mahse, hetih lai hian, Selena chuan Interviewer hnenah Hollywood ah chuan Taylor Swift aia thian tha a nei lo tih a hrilh a, he thu hi Raisa-in a hriat veleh an inkar boruak chu a chhe zawngin a thang chho ta a ni.
