Tunlaia social media lama thawm ngahber tih theih milar 2– Selena Gomez leh Hailey Bieber te inkar thuhla hi kan hre theuh awm e! Hemite 2 hian inhmelmakna an lo nei tak tak nge, fans ten an chotuah zawk tih pawh hriathran a har hle a ni.
Hun engemaw chen social media lamah Selena leh Hailey te chu an chanchin a chhe zawnga thehdarh a nih hnuin, a tawp a tawpah Selena Gomez chu a tawng chhuak ve leh ta!
A sawidanin, Selena Gomez chuan Hailey nen inhmelmakna an neih loh thu sawi a, fans-te chu Hailey chungah an huatna leh an duhlohna tilang zui tawh lo turin a ngen a ni.
Zirtawpni khan Selena chuan IG lamah tiang hian a tarlang a, Hailey chuan a hnenah thah tum vaukhanna tawngkam a dawn thu te leh amah an huatna thu, thu duhawm lo tak tak a dawn thu a hrilh tih a thailang a ni.
Mahse, hetih lai hian Selena chuan heng ang thil duhawm lo hi a duh ngai loh thu sawiin, tumahin heng ang thil thalo hi an experience a duh lo a ti. Ngilneihna lantir chu a duhber a ni tih sawiin, heng thil thalote hi titawp turin fans te a ngen a ni.
Hailey pawhin Selena post chu rawn zui vein, atana tawng chhuak Selena hnenah lawmthu a hrilh a, IG lamah pawh Hailey hian Selena chu a follow zui nghal bawk a ni.
