Reality Star Kim Kardashian In Bialpa Thar A Nei Em Ni? Pete Davidson Nen Boruak An Nei Lian Hle!
Rapper Kanye West leh Reality Star Kim Kardashian te chu an inthen hnuah an inkar thulengvak neuh neuh sawi tur a tam hle a, Kanye West chuan ngaihzawng dang a nei tih thuthang a awm mek bawk.
Hetih lai hian Kim Kardashian pawhin mal ngawih ngawiha awm a tum bik lo ni ngei tur a ni. Saturday Night Live, New York City a neih zawh takah khan, fiamthu thawhthiam, producer, actor leh writer ni bawk Pete Davidson nen an inzui ngun malh malh hle tih thuthang hriat tur a awm ve leh ta.
An chungchang thu lengvak darh mek karah Kim Kardashian hnimhnai tak mi pakhat hnen atanga thudawn danin, Kim Kardashian chhung khat hnaivaite chuan Kim hnenah kum 27 a upa comedian Pete Davidson chu thlah zalen mai turin an fuih nasa tih a tarlang bawk.
Thudawnna pakhatin US Weekly a hrilh chhawn danin, Kim chuan Pete nen hun an hmandun dan chu nuam a tih thu leh, Pete nen inzui chu a hnial loh thu a tarlang ve thung.
Keeping Up With The Kardashian Star kim in a tih hmasak ber chu a chhung leh khatte leh thianhnaivai te thurawn lak a nih thu a sawi ve bawk. Eng tin tak ni zel ang maw?
