Your Daily News

Reality Star Kim Kardashian-in A In Ropui Tlawh A Lutte Tana Dan Khauh Zet 5 A Zam te Chu!

0 9,891

Reality star Kim Kardashian hi khawvel hmeichhia piang tawh zingah chuan nu theu neu lo tak a ni kan ti theu awm e. Vawiin ni thleng hian khawvel mite mit fukna ber leh hmeichhe thil tithei tak a la ni reng a ni.

December thla 2014 kum khan nupa inthen ta Kim K leh a pasal hlui Rapper Kanye West te chuan chenna in $20million in an lei a, he in hi 2018 kumah an thawm tha leh a, tunah chuan $60 million man hu a ni tawh tih Kim K chuan PEOPLE a hrilh.

He in manto tak chhunga thil awmte hi an man a to mai piahlamah Kim K chuan a enkawl uluk hle niin an sawi a, hei vang hian a ina lut chhuak te zawm ngei ngei tur dan khauh tak 5 a zam tih hriat a ni.

  1. Kim chuan a in chhunga furnature var sur mai te chu tih balh leh khawih balh a remti lo: Kim K hian a chenna in chhungah furniture var man to tak tak a hung a, hei hi a in tlawhtuten an tihbalh a phal hauh lo a ni. A in a leng lutte chu sawi loh, a fate North, Chicago, Saint leh Psalm te pawh he room-ah hian infiam a rem ti lo a ni.
  2. In tlawhtute tan a in chhung thlalak chu hmundang a share a rem lo: Kim K in a in lengte tan dan khauh tak a zam pakhat chu, tumahin a inchhung thlalak vantlang hmuhah an pholang tur a ni lo tih hi a ni. “Keeping Up with the Kardashian” film siam lai pawh khan Camera khawihtute chu a in chhung thla lak phalsak an ni lo bawk a ni.
  3. Zanriah kilna dawhkanah Mobile phones hman leh khawih khap tlat a ni: He thil hi a bikin a chhungkua tan pawh ani a, ei tur buatsaih laia mahni fate leh chhungte hmaa phone call lo dawn or khawih chu mahni bulhnaia awm te aiin phone ngaih pawimawh zawkna a ni tih Kim K chuan sawiin, tumah dinner table-ah phone khawih emaw call pawh a khap tlat tih BeautyCon a hrilh.
  4. A palinaah chuan, mi tu pawh Kim K estate chhungah an lut dawn a nih chuan a in chhung chanchin leh an thil hmuh te puangzar lo turin Non Disclosure Agreement (NDA) an sign hmasa ngei tur a ni. A chhan chu he inchhunga inbiakna tawngkam leh thlalak te chu mimal thil a nih avangin mipui hmaah puanzar khap bur a ni.
  5. Kim K an in chhungah tlereuh manto nen luh a phal lo: 2016 kum daih tawh khan Paris-ah Kim Kardashian chu misual pawlten silai tinin an tiding a, hetih lai hian a tlereuh 10 million chuang man an laksak a, “Keeping Up with The Kardashians” reunion series 2021 a tihchhuahah khan Kim chuan 2016 kuma misual hoin a tlereuh an ruksak hnu khan he dan khirh tak hi a hmang tan tih a tarlang a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!