Priyanka-in A Pasal Nick Jonas Hnen Atanga Text Message A Dawn Hmasakber Sawichhuakin An In Date Chhohdan A Puang

Quantico actress Priyanka Chopra chuan a pasal Nick Jonas nen an intawn hmasakdan Entertainment Weekly-in an kawmnaah sawichhuakin, an date chhohdanah bul tantu a ni lo tih a tarlang.

Nick Jonas nen a tir lama an in date chhohdan a sawichhuahnaah, Priyanka chuan Nick’an a text hmasa niin a sawi a, a pasal Nick Jonas text message “I think we should connect” tih tawngkam chu Nick hnen atanga a thudawn hmasak ber a ni a ti. Heta tang hian an inkar boruak chu a intan chho ta niin a tarlang bawk.

Kan hriat theuh angin, milar 2 PC leh Nick te chu December 2, 2018 kumah Jodhpur ah an innei a, he hmunah hian inneih lawmna ni 3 daih an hmang nghe nghe.

Hmanni lawka report atanga a landanin, nupa inhmeh tak Priyanka Chopra leh Nick te hi Karan Johar talk show, ‘Koffee with Karan’ ah an inlan dawn niin a tarlang a, fans-te chuan he hun hi nghakhlel takin an thlir a ni.