Football match en tluka hlimawm leh nuam hi a vâng ngawtin a rinawm. Khawvel mi tam zawk hian inkhelh en hi nuam kan tih rualin, mi thenkhatte erawh duh aia nasa leh ramri pelin an che ve chawk bawk thin!
A bik takin football match-ah rin loh taka players ten goal an khung emaw, a nih loh leh beisei loh thil a lo thlen thut hian fans thenkhatte chu awm ngaihna hre loin mak takin an che zui mai thin a, eng thil nge an tih tih lam chu an inhre hman hauh lo!
Kumin Qatar 2022 World Cup-ah pawh hian fans thenkhat phur zualte chetdan chuan online lamah sawi zui a hlawh hle a ni.
‘Umbrella’ leh ‘We Found Love’ singer Rihanna pawh 2014 World Cup Brazil rama nghah a nih tum khan mak takin a lo che ve tawh tih hriat niin, Rio De Janeiro, Maracana-ah Germany vs Argentina inkhelh laiin, tuna kum 34 lo tling ve ta singer Rihanna chu phur over in a kawr chunglamah a hlim chhova fans dangte hmuhah a hnute a pholang tih an sawi.
Zaithiam lar A$AP Rocky bialnu Rihanna hi Barbados lam chhuak niin, World Cup match-ah hian Germany nge a tan Argentina tih lam chu sawilan a ni lo thung.
He thil thlen hun hi hla deuh tawh mahse World Cup vuak vet anih angin kan han tarlang ve a ni e. Chhiartute hriatthiamna kan dil bawk e!
