Your Daily News

Plastic Surgery Hnawla A Pianpui Hmelthatna Dinpui Ngam Khawvel Huapa Lar Actress Park Shin Hye Chanchin Leh Hausakna

0 2,473

Korean Actress Park Shin Hye chanchin leh a hringnun kawng zawh mek hi a ngaihnawmin, heti tehthuta rawn lar ta hluai leh rawn hausa thur thur erawh a ni bik hauh lo. Lemchan khawvel industry ah kum 20 chuang dawn chu a lo inhnim ve ta reng mai a, tun hma zawng kha chuan Shin Hye leh a chhungte chuan sum leh paiah harsatna an lo tawk nasa em em a ni. Sum an tlakchham em em laiin an chenna in neih chhun chu misualten luhkhungin an lo suasam tawh bawk.

Heti khawpa khawvel huapa lemchan khawvela hlawhtlinna tawngbaw thei leh milar dangte anga hmel siamdanglam duh ve hauh lo actress lar Park Shin Hye hian khawi atangin nge sum a hmuh lo thlir dawn teh ang.

•2003 kumah ‘Stairway To Heaven’ ah Park Shin Hye hi khawvelin a hmelhriat tan a, he film ah hian hlawhtlinna hmu chhoin, heta tang hian kum tin deuhthaw film 2-4 vel ah a lang ziah a ni.

2003 a film chan Heartstrings chu ram 8 ah hralh chhuah a ni a, mipui hmuhah an tlangzarh hma hauhin 15-episodes series atangin sum tha hnem tak a lalut der tawh a ni

•2016 a medical drama ‘Doctors’ chuan South Korean ram a nghawrnghing lawih a tih theih awm e. He film lar tak hi a lar em avangin Turkish series-ah herrem chhawn a ni nghe nghe. Doctors film hian Shin Hye chu lawmman engemawzat a hnutchhiat bakah sum tam tham tak a hmuhsak bawk a ni. ‘Doctors’ leh ‘Stairway To Heaven’ film hlawhtling taka a chan hnu hian 25 million won zet a nei pha a ni.

Shin Hye hi Koreans film tam takah in lanna a nei a, NETFLIX movie 2 Zombie flix Alive leh the Thriller The Call ah te lead roll ah a chang tawh bawk. Hengte bakah hian Blockbusters – Miracle in Cell Number 7, My Annoying Brother ah te pawh a che hit em em vek a ni.

Hei bakah hian Park Shin Hye chuan endorsement atangin sum tam tak a huilut bawk. Tun dinhmun (2021) a sum neih hlut zawng chu US$8 Million a tling pha a ni. Khawthlang lam ram milar te nena khaikhin erawh chuan a la beitham deuh pawh a ni thei!

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!