Your Daily News

Phir Unau TikTok Stars, Banks Rawk Lem Chang Der-te Chu Police-ten An Man

0 2,320

Phir unau Alan leh Alex Stokes-te chu an TikTok videos leh YouTube videos-te avangin online lamah millions chuang teh meuh followers neiin an lar hle.

Mahse, he phir unau, social celebrities-te hian an fans-te mak tih khawpin hmanni mai khan thil an duang fuh ta tlat lo mai le! An pahnih hian Banks rawk lem an chan avangin thiamloh chantir an ni. He prank hi vawi 2 ngawt an lo ti tawha, October thla pawh khan bank pawisa rawk angin mi an lo tider leh tawh tih an sawi.

An pahnih hian misual awm tha duhlo anga thiamloh chantir an nih chuan kum 4 chhung zet tân in lamah an fans-te an mangtha a tul dawn a ni. Report atanga a landanin The Stokes unau hian vawi 2 bank rawk lem changin pakhat zawk chu a kal fuh lo kher mai, police-ten Uber driver chawpin silaiin an lo tin nghe nghe.

An prank hmasa zawkah hian thawmhnaw duma inthuamin an hmai a tuam bawka, bank rawk anga in chanin tlanbo tur angin Uber driver anbiaa driver hian lo hnarin, an kianga awm midangte chuan police call an call nghala an unau hian an man ta ani.

Uber driver pawh chu silaia lo tin nghalin a hnuah a inhnmahnawih ve lo tih an hre leh ta a ni. He thil hi ti leh tawh lo turin inralrinna thu pek an nia, ti chung pawh hian darkar engemaw zat a liam hnuah University of California, Irvin Campus huam chhungah a ngaite bawk, bank rawk lai lem chu an chang nawn leh tih hriat a ni.

Orange County, district attorney general Todd Spitzer chuan he phir unau Bank rawk lem chan avang hian mi tam tak nunphung a buai theia, thihna hial a thlen thei tih a sawi.

Internet lamah lar kan tum luat avangin kan duhloh thil chhe ber leh damchhunga kan inchhir tur thil tam tak kan tithei a ni tih hi kan hriat a tul khawp mai.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!