Pamela Anderson-in Kum 23 Mi A Nih Laiin Actor Tim Allen’an A Sazu A Phawrhkhum Tih A Sawi!
Canadian-American Actress leh model ni bawk Pamela Anderson sawidanin, actor Tim Allen’an kum 23 mi a nih laiin a sazu a phawrhkhum tih a sawi chhuak.
He thu dengkhawng tak hi actress Pamela chuan a upcoming Memoir ah a tarlang a, actor leh comedian Tim Allen nen an 2 inkara thil thlendan chu a sawichhuak tih an sawi.
A memoir ‘Love, Pamela’-ah a tarlandanin, Home Improvement a ni 1-na an shoot laiin, a dressing room atanga a chhuak chu Tim hian room luhka hallway ah dingin a lo hmu tih a sawi a, saruaka a awm lai tak a hmuh fuh avang chuan a sazu chu chawplehchilhin a phawrhkhum nghal tih a thai lang a ni.
A sawi zeldanin, actor Tim Allen’an tianga a sazu a phawrhkhum ta mai chu ngaih tha lo tak leh tui lo tak chungin a nui tih a sawi a, comedian chetdan chu mak a tih thu a sawi a ni. Mahse, hetih lai hian Tim ve thung chuan Pamela puhna chu thudik tawk lo a ni tiin a phat tih Variety chuan a tarlang ve bawk.
‘Love, Pamela’ memoir bakah hian, kum 55 a upa model leh actress Pamela Anderson chuan a mimal chungchang pholanna kum engemaw zat a lo buaipui tawh chu Netflix lamah a kip a kawiin thailan a tum bawk tih The Gaurdian chuan a tarlang bawk.
