Your Daily News

Ngaihtuahna Hruaikawi Thei A TikTok Video Ruhsak A Nih Hnuah Thehdarhsak Niin Kum 5 Tang Tura Hrem A Ni

0 2,589

Bellydancer hmeltha lei zei tak Sama El-Masry chu a TikTok video avangin hremna na tak a tawrh phah. He a TikTok videoa a chet phung leh a landan chu an chhungkaw zahawmna leh hlutna tichhe theiah puh niin tiang hian a chungah hremna lek a ni ta a ni.

He Egyptian celeb chhelo tak hi a video pakhata a landan chu hurherhna lam hawi leh ngaihtuahna hruai kawi thei niin an sawia nimin June 28, 2020 khan Cairo court chuan thiamloh a chantir ta ani.

Milar Sama El-Masry sawidanin he a video hi ama siam ngei a ni tih sawiin midang hmuhah erawh a pholang ngailo tih a sawia mahse, mituten emaw a phalna tel loa rukchhuah sakin video sharing-app lamah an theh darhsak tih a sawi a ni.

He video, ngaihtuahna khawih buai thei leh midangte nun khawih pawi thei tak, hurherhna lam rawng kai darh ta avang hian kum 5 tang tura hrem a nia £15,000 chawi tura tih a ni bawk.

National social media lam enfelna neih a nih laiin April thla khan a video leh a thlalak postte chu endik a nih hnuah dan kalha che ah puh niin tiang hian hremna an pe ta a ni.

El-Masry hian an chhungkua kalphung leh hlutna a bawhchhiat bakah social media chu midangte hmuhah diklo taka hmangah puh a ni bawk.

Egyptian MP John Talaat’n Reuters a hrilh danin El-Masry te ang milarte hian chhungkaw mawina leh an tihchhiat bakah ram danpui ina a phalloh zahmawh rawngkaia mite hmuha an inlan avangin hremna an tuar ngei tur a ni a ti bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com