Your Daily News

Mipa Film Director Kaihhruaina Hnuaiah Saruakin Lem A Chang Tawh Dawn Lo Tih Keira Knightly In A Sawi

0 2,843

Mipa film director kaihhruaina hnuaiah saruakin a inlan tawh dawn lo tih Actress lar Keira Knightly chuan a sawi.

Chanel Connects podcast ah he thu hi sawilangin, Keira chuan film ah ruakin a lang tawh dawn lo tihna lam nilo, mipate hmuh ah erawh inlan tawh rih loh a duh tih a sawi a ni. A chhan pawh mipate melh tai nih leh itawm taka awm chu nu dinhmun atanga thlir in tha a ti lo a ni.

Keira chuan interview a hmachhawn tumin, film ah ruaka lem a chang dawn a nih chuan hmeichhia film director-te chauh a thawhpui theih thu a sawi. A bikin nu dinhmun a luah hnu hian mipate hmuha ruaka lemchan chu a ngaih a tha zan lo a ti bawk.

Keira Knightly kum 35 a upa hi British Musician James Righton nen an inneia, fa 2 a nei tawh nghe nghe.

Hollywood actress lar hi Ben It Like Beckham, Atonement leh Pirates of the Carribean etc.. ahte a chang tawh a ni. Keira hian a hmain a fanu kum 5 mi lek chu Disney Film en a lo khap tawh thu a sawi lang a, a chhan pawh hmeichhe dinhmun a rilrem loh zawnga an tarlan vang niin a sawi.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!