Your Daily News

Kum 6 Zet An Inzui Hnuah Rapper Nelly Leh A Bialnu Shantel Jackson-te An Inthen Ta! Thiantha Nichhunzawm Thei Tak Ang maw!!

0 546

Kum 6 Zet An Inzui Hnuah Rapper Nelly Leh A Bialnu Shantel Jackson-te An Inthen Ta! Thiantha Nichhunzawm Thei Tak Ang maw!!

Nelly leh Shantel Jackson te chu kum 6 chuang an inkawp hnuah an inthen thawm a ri ve leh ta!

‘The Hot In Here’ Rapper bialnu Shantel chuan a bialpa nen hringnun kawng chhukchho zawh hrang turin kawng hran an zawh dawn thu a puang chiang taa mahse, thian tha tak an la ni chhunzawm zel ang tih a tarlang thung.

Nelly chuan kum liam ta mai khan a bialnu chhelo tak Shantel nen hian inhual an tum hnai tih a sawichhuak a, tunah an inthen thawm lo ri ta thut chuan fans te a barakhaih ang reng hle a ni. Kum 46 a upa rapper chuan a bialnu model chhelo tak Shantel tel lova hringnun a hmang tur chu a ngaingam lulu lo tih a sawichhuak nghe nghe.

Nelly chuan, “Shantel ka hringnunah a tel tawh loh hnua hun leh ni ka chhiar tur chu thil tawrhhlelhawm ber a tling a ni’ tiin a sawi. Kum 6 zen zawn inzui hnua inthen a lo tul ta mai chu pawi a tiin, a ngaingam lo tak zet a ni.

Rapper lar Nelly chuan a bialnu Shantel nen hian an inhriatchian poh leh a ngaina zual tih sawiin, a bialnu Shantel chhungrila mawina chuan a thinlung a hneh thu leh a duhawm zia a sawi bang lo a ni ber. Nelly hian a hmain actress Lashontae Heckard, zaithiam Ashanti leh rapper Eve-te a lo kawp tawh bawk a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!