Your Daily News

Kum 16 A Nih Laiin Miley Cyrus In Liam Hemsworth Lakah A Thianghlimna A Hloh Thu A Sawichhuak

0 442

Milarte zinga che masak ve tak Miley Cyrus chuan actor Liam Hemsworth lakah kum 16 a nih laiin a thianghlimna a hloh thu a sawi chhuak leh ta.

Singer kum 27 a upa Miley Cyrus hi Barstool Sports “Call Her Daddy” podcast, episode thar berah inlanin interview a neihnaah a mimal thil sawichhuakin a thianghlimna a hloh thu leh a parmawina thliak hmasatu nen lam a sawi lang a ni.

A sawi chhunzawmnaah Miley Cyrus chuan a thianghlimna a hlohna mipa chu tudang niloin ‘The Hunger Games’ star leh a pasal hlui ni bawk Liam Hemsworth a nih thu a sawi chhuak.

Zep then nei hauh lo in chiang takin kum 16 a nih laiin Liam lakah a thianghlimna chu a hlan thu a sawi a ni. Hetih hun lai hi an film buaipui chhoh vel lai tak a ni awm e.

Liam Hemsworth leh Miley Cyrus-te hi 2008 kum a ‘The Last Song’ Film an chandun atang khan an inhnimhnai chho a, an pahnih hian a changin an inhlata, a changin an inhnaih leh thin bawka an hun hman chhohdan chu an la naupang chhia ve hle a ni.

Liam nen an inthen kar reilote chhungah Miley hian a nundan phung a thlak nasa hle a, a inchei dan leh a thawmhnaw hak chungchangah pawh a duhtui lo tial tial tih hriat a ni.

Hun a kal chho zela 2018 khan an inzui chho leha, a hringnun pawh insiam tha chho ve lehin an innei zui ta a ni.

An fans-te chuan Miley leh Liam inneihna chu an lawmpui thu sawilangin an nupa nun erawh a tluang tak tak thei chuang lova, an intawn tantirh lai ang bawkin an inkarah neuh neuh thil a awm reng tho a ni. Tianga an inrem theih tak tak loh avang hian an inneih atanga thla 7-naah an inthen ta nghe nghe a ni.

He singer, hmangaihna kawnga lainatawm ve tak hi tluan ni a nei tak tak dawn lo a ang hle mai, a pasal a then hnuah Cody Simpson nen an inzui thawm rawn ri lehin thla 10 hnuah an inthen ve leh ta a ni. Khawi lam tluang tak zawh leh ang maw.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!