Your Daily News

Kim Kardashian Leh Rapper Ye An Inthen Fel Ta! Ye-a’n A Fate Chawmna Thla Tin Sum Tam Tak A Pe Dawn

0 3,375

Reality star leh SKIMS founder Kim K kum 42 mi leh a pasal hlui Kanye West kum 45 mi te chuan an inthenna thuhmawr an bawk thei ta tih People Magazine chuan a tarlang.

Nupa tuak inthen ta te hian an fate an enkawlna kawngah leh an thil neih insemdan tur chungchangah awmze neiin thu an pawt chat thei ta a, an inremna ang chuan rapper Ye tia hming thlak danglam ta Kanye chuan thla tin a fate chawm nan sum USD 200,000 Kim K hnenah a pek a tul dawn a ni.

Rapper maksak Ye leh Kim K te hi 2012 kum atang khan an inhnihnai chhova, 2014 kumah Italy-ah thianthate leh chhunglehkhat te hmaah an innei zui ta a ni.

Kum 7 lai an inneih hnuin reality star Kim Kardashian chuan 2021 kumah an nupa inkara buaina awm chu tuar chhuak zo loin inthenna lehkha a theh lut leh ta a, an chhungkaw harsatna tawh chu siamthat leh theih a ni tawh lo a ti a ni. A pasal hlui Ye tel lova hringnun hman chu a fate leh a chhungkaw tan a tha tih a tarlang bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!