Your Daily News

Khawvelah A Vawikhatna Atan Mexican Rapper In A Sam Paihin A Lu Ah Doctor te Thiamna Hmangin Lunghlu Khaidiat A Vuah

0 1,169

Lunghlu ngaina tak mai Mexican rapper kum 23 a upa chuan a sam paihin a lu ah doctor thiamten lunghlu khaudiat an vuahsak tih hriart a ni.

Rapper Dan Sur kum 23 a upa chuan Tik Tok video kaltlanga a tarlan danin, a followers 1.9million zet hmuh theih turin a luah lunghlu khaidiat (gold chains) a vuah tih a tarlang a ni. Rapper Dan Sur sawidanin, “Mi tam takin lan danglam leh lan mawi tumin an sam rawngte an thlak danglam a, kei erawh chuan ka sam chu lunghlu khaidiatin ka thlak danglam ta a ni.” tiin a sawi. He a sam ngat hi zawng mi ten an copy theih a rin loh thu a sawi lang bawk.

April thla liam ta khan, rapper Dan Sur chuan milar dangte khawsakdan leh tih dan ang lo takin a sam pangai chu a lua atanga mithiamte a paihtir hnuah a lu ah lunghlu khaidiat chu surgery hmangin a vuah leh ngat a ni.

Video darh zui ta pakhatah pawh, Dan Sur chuan a sam chu lunghlu hlang a nih tawh thu leh mihringte sulhnuah leh khawvel rapper dangte zingah sam manto lunghlu khaidiat vuah hmasa ber a nih thu uar takin leh intithei fahranin a sawichhuak a ni.

Media thenkhatten an tarlan danin, Rapper Dan Sur chu lunghlu sam vuah tur hian a rapper pui Lil Uzi Vert in a chawk phur niin an tarlang a, rapper Lil Uzi Vert kum 26 a upa hian a hmain a chaldarah tak lunghlu tlang $24 million man zet a lo bel tawha, kumin July thla khan Rolling LOud Music Festival ah a fans ten a chaldar lunghlu chu an laksak niin a TMZ a hrilh a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!