Your Daily News

JLo Leh Actor Ben Afflect-te Intawhlehna Chungchangah Titanic Star Kate Winslet Mak Takin A Tawngchhuak

0 2,097

Singer Kum 51 a upa Jennifer Lopez leh Ben Affleck-te inzui thawm lo ri leh ta chuan milarte khawvel a sawinghinga, an chanchin chuan sawi a hlawhin, media hrang hrang an luah hneh hle.

Khawvel huapa milar mi engemaw zatin lawmpuina tawngkam an chhak chhuak a, heng mite zingah hian zathiam lar leh film lama mi challang tak takte pawh an tel a ni.

Mak tak maiin hetih lai hian Tinatic film hit tak maia changtu hmeichhe hmeltha tak Kate Winslet ve thung chuan ‘Bennifer’ te nupa inkarah tawngkam rawn nei ve lehin, an thuhla lengvel chu a bengkhawn peih lo mai niloin han tuipui ngaihna a hriat loh thu a sawilang ta mauh mai le.

Nupa inthen tawhte intawhlehna thuah hian tuina chhete pawh a neilo tih tarlangin, a bikin Jennifer Lopez hringnun chu a ngaihven loh zawng tak leh a bengkhawn ngailoh thil a ni a ti bawk.

Actor Ben Affleck leh a bialnu hlui JLo-te hi hun rei tak an inthlahthlam tawh hnu leh, JLo ngei pawh A-Rod nen an inzui tawh hnuah hmanni lawk atang khan boruak an rawn nei chho leh a, tunah meuh chuan an inthlah thei ta meuh lo tih People Magazine chuan a tarlang a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!