A tawpah singer Jessie J chuan a naute hrin pa chu Instagram-ah post siamin mite hriatah a puang chhuak ta!
Jessie naute hrin pa hi tudang ni lovin, Danish-Israeli basketball player Chanan Safir Colman niin, an 2 hian social media lamah an in post dun ngai lo tih hriat a ni. Jessie J chuan Chanan nen an inkar thuhla chu a zep tlat a ni.
Singer leh song writer Jessie hian May thla khan naute duhawm tak a neih thu a puanga mahse, a mimal thil fans te hriatah a thup hneh em avangin naute pa chu tunge ni ang tih zawhna a tam ang reng hle.
2021 kum liam ta khan zaithiam Jessie J chuan naute neih tura a inpeih thu social media lamah a tarlanga zeta mahse, vanduaithlak takin a naupai chu a chhiat zui a, he a vanduaina tawh avanga hun harsa a paltlang dan lungchhhiatthlak tak chu fans te hriatah a tarlang bawk.
Vanneihthlak takin kumin January thla khan naute a pai leh a, he news hian a tilawm tak zet tih sawichhuak nghe nghe. A naupai lai thlalak chu social media lamah a tarlang foa mahse, naute pa hming erawh a la zep talh a ni.
