Your Daily News

Japanese Lemchanthiam Yuko Takeuchi Chu An Chenna Inah Thia Hmuh A Ni

0 1,034

Japanese actress lar, ‘Miss Sherlock and Ringu’ avanga mite hriat hlawh tak Yoko Takeuchi kum 40 a upa chu an chenna inah thia hmuh a ni.

Takeuchi ruang hi Sunday khan Tokyo an chenna inah a pasal actor Nakabayashi Taiki chuan a hmu hmasaber tih Variety chuan a tarlang.

Cyborg leh Midnight Eagle film lo inlan tawh actress Takeuchi hian engmah lehkha ziak emaw thil dang a hnutchhiat a neih awm hriat a ni lova, mahnia intihlum a nih an ring ber a ni. A pasal leh a fate 3 a kalsana, an fa naupang ber hi thla 9 mi lek a ni.

Takeuchi hi lemchan a thiam em avangin Japan ram bakah khawvel hmundangah pawh hriat a hlawh hle a, an ram, Japan ah pawh chawimawina hrang hrang a lo dawng tawh bawk.

Khawvel ramdangte nen khaikhinin Japanah hian mahni intihlum an tam ang reng hle a, khawvelah mahni intihlum tamna ber ram a tling a ni.

National Policy Agency in statistics atanga an chhutdanin 2019 kum khan mi 20,169 lai mai chu mahnia inthat an ni tih a tarlang.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!