India Rama Tax Pe Hnember Actor Akshay Kumar Hian Kum 1-ah Crores Engzat Chiah Nge Sum A Lakluh?
Indian mipa lemchanthiamte zinga lar ber pawl Akshay Kumar hi sum lakluh kawngah pawh a lemchamthiampui dangte nen khaikhinin a nep lo hle!
Tun dinhmunah a zawnin kum 2 lai mai tax pe hnember nihna a hauh mek a, a sum lak luh pawh tam tak a ni. Khawvel lemchanthiam hausate zingah Akshay Kumar hi Forbes List ah a hming a lang pha a, a tlangpuiin kum 1-ah Akshay Kumar chuan 486 Crores sum a la lut tih report chuan a tarlang.
Forbes in a tarlandanin, Akshay Kumar hian ‘Bell Bottom’ leh ‘Bachchhan Pandey’ movies atang ringawt pawh hian Rs.100 Crores sum a la pha a, Duff and Phelps’ Celebrity Brand Valuation Study in a tarlandanin, Kumar hian brand value Crores tam tak a nei pha bawk a ni. Hei bakah hian endorsement atangin Kumar hian Rs.2-3 Crores lai mai sum a hailut bawk niin Financial Express chuan a tarlang bawk.
Akshay Kumar hian Sports lamah pawh sum a hailut nasa a, World Kabaddi League Khalsa Worriors team chu a ta niin, Kolkata Pro-Kabaddi league Bengal Worrior lamah pawh stake a nei bawk tih ET chuan a tarlang bawk.
Hei mai a la ni lo, actor Akshay Kumar chuan Production Houses 2 a din a, Hari Om Productions (Cape of Good Films) chu 2008 kumah dinin, Ashvini Yardi nen thawkdunin Grazing Goat Pictures bul an tan bawk a ni.
