Your Daily News

Hun Rei Tak Liam Hnuah Kim Kardashian In A Bialpa Hlui Ray J Nen Mipathmeichhiatna An Hman Lai Tape A Siam Chhan A Sawichhuak

0 12,210

Reality star Kim Kardashian chuan hun rei tak liam tawh hnuah hmana a bialpa hlui Ray J nen hurherhna tape a siamchhan dik tak a sawichhuak!

Reality star lar kum 40 a upa Kim hi 2007 chho khan vawilehkhatah a lar thut maia, a chhan ber pawh a bialpa hlui Ray J nen mipathmeichhiatna an hman lai tape chu online lamah a putru palh hlauh maia, he tape hi adult entertainment company lamin $1m in an lei zui tih hriat a ni.

A bialpa hlui Ray J nen an boruak a alh chhoh mek lai hian Kim leh a chhungte chuan “Keeping Up With The Kardashian” series hmasa ber chu an vawrh lar ta nghal a ni. Kum 10 zet liam hnu leh season 20 na hnuah KUWTK final episode chu June 10 ah tihchhuah a ni dawn bawk a, eng ang takin nge he series hi a tawp ang tih a fans ten an nghah thup laiin, Kim chuan a bialpa hlui nen an hurherh tape a putruk dan kimchang chu a tawp a tawpah a puang chhuak ta a ni. Mahse, Kim chuan he a hmingchhiatna khuhbo tur hian a chhungte nen Show an nei thei chu a tangkai tak zet a ti bawk.

Los Angeles Times in a kawmnaah Kim chuan a chunga thil thleng leh hun khirh a paltlangte chu khuhbo mai tum loin dik takin sawilan a duh thu a sawi a ni. Kim hi tun dinhmunah a pasal Kanye West nen an inthen a, a bialpa hlui Singer Brandy unaupa Ray J nen 2002 kuma tape an siam chu 2007 kumah nasa takin a darh zui ta a ni.

Ray J nen an tape putru ta hi Cabo, Mexico ah a birthday vawi 23rd an lawm tumin an siam tih media lam chuan an tarlang. He tape hi lerthak leh hurherh vang liau liaua a siam a ni tih a sawi nghe nghe.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!