Hailey-in A Pasal Justin Bieber Nen Fa Neih A Thlahlel Tak Zet Tih Sawiin Thil Hlauhthawn Lian Tak Pakhat A Nei Thung
Hailey Bieber chuan a pasal Justin nen chhungkua dina ruahmanna an neihdan sawilangin, chhungkaw dina ngaihtuahna a senna kawngah rilru hahna lian tak a neih thu a sawi chhuak!
Kum 26 a upa rhode skin founder Hailey Bieber chuan fa neih a thatna leh thatlohna lam a buk kual vel tih sawiin, naute neih chaknain a khat tih The Sunday Times in interview a neihpuinaah a sawilang a ni.
“Fa neih chu ka thlahlel ngawih ngawih thin a mahse, lehlamah ka hlauthawng bawk si! He thil hi ka ngaihtuah zin poh leh rilru mangangin ka tap fo thin” tiin a rilru awmdan a sawilang zui bawk.
Hei bakah hian Hailey chuan miten a pasal leh a thianthate chanchin an sawi thindan chu a kham thawkhat viau tih sawiin, fa lo nei ta se vantlang mipui a hmachhawn hunah a fate chanchin an sawidan tur chu a suangtuah ngam lo tih tarlangin he thil hian a tilungngai thin niin a sawi.
Hriat tawh angin, Justin leh Hailey te chu kum 3 dawn an inthen hnuah 2018 kumah an inkar boruak an thar thawh leh a, an inhual hnuah an innei zui ta a ni.
2020 kum khan Justin chuan, an chhungkua tiliana fa neih lam chu an nupain an hmanhmawh lemlo tih “The Ellen DeGeneres Show” ah a lo sawilang tawh a ni. Hetih lai hian Hailey pawhin, January thla liam ta khan raihma tumna a neih loh thu WSJ Magazine a lo hrilh tawh bawk a ni.
