Georgina Rodriguez-in A Kawppui Ronaldo Nen Nupa Nun An Hmandunna Hmun Maksak A Sawichhuak Phawng
Spanish model hmeltha Georgina Rodriguez chuan Al Nassr superstar Cristiano Ronaldo nen nupa nun an hmandunna hmun maksak tak a sawichhuak hlawl tih hriat a ni.
Rodriguez chuan Netflix Show second season “I’m Georgina” ah an nupa nun chungchang sawilang palhin, Spa ah nupa nun an hmang tih a sawi a, hetih lai hian a bân a tattoo chu nawhreh hlauin a bân a tihuh duh lo niin a sawi lang bawk.
“Ka ban hetianga chawikan reng mai chu ka chau tak zet a ni” tih a sawilang nghe nghe! Hemi ni hian beach-ah pawh intih huh duh loin a awm tih a sawi a mahse, a kawppui Cris chuan ina a haw hnuah Spa ah kal turin a hrilh a ti.
Spanish model Rodriguez chuan, an nupa chungchang thu hi a thian leh Telecinco collaborator Ivan hmaah a sawichhuak a, Ivan pawhin “Nupa nun chu Spa-ah niloin khumah a hman theih reng alawm” tiin a chhang ve zui a ni.
Georgina Rodriguez hian he an nupa nun hmandan chungchang thu hi a tum reng vang a sawi a ni lo tih a lang reng mai a, rinloh takin a sawisual palh hlauh niin an sawi. A hnuah a hmelah pawh nervous hmel a put bakah, a zakru deuh niin an sawi.
Russian model Irina Shayk leh Cristiano Ronaldo te hi tunhmain an lo inngaizawng tawh a, an inthen hnuah Georgina nen hian 2016 kumah an inkawp ve leh a, tun thleng hian Rodriguez chu Officially a Cristiano Ronaldo partner a la ni ta reng a ni.
