Spanish Grand Prix 2023 neih zawh tak Sunday ni a intawng Colombian singer Shakira leh F1 legend Lewis Hamilton te inkar boruak chu a tha chho zel nia hriat niin, Sunday liam ta pawh khan hemite 2 hi hmuhdun an ni leh!
He Spanish Grand Prix neih zawh takah hian Hamilton chuan second place a hauh a, a hlim hle nia thu dawn a ni. A hlimna chhan lairil ber erawh a kiangah zaithiam Shakira a awm vang niin an sawi a, an 2 hian zanriah kildun turin an chhuak dun nghal bawk a ni.
A hmain F1 legend Hamilton leh Shakira te hi Florida lamah lawng chungah thla an lo la dun tawh bawk a, a khawsazia leh chetdan thlirin fans te chuan milar 2 te hi an inkarah thil thar a awm ngei a ni tih an ringnghet bur a tih theih.
Kan hriat theuh tawh angin Shakira leh Pique te chu kum 11 dawn an inkawp hnuah an inthen a, an inthen atanga rei vak loah Pique chuan bialnu thar Clara Chia a kawp zui a, Shakira erawh mipa dang tang a bei awm hriat a ni lo thung. Mahse, an inthen atang kum 1 dawn liam hnuah Lewis Hamilton nen hian sawizawm a ni ve leh ta a ni.
