Your Daily News

Ex-Miss Croatia Chungah Qatar Lawm Lo Nasa! A Khawsakdanin Online Lamah Sawisel A Hlawh!

0 2,286

Former Miss Croatia Ivana Knoll chu World Cup thlengtu ram Qatar hnamzia leh nihna zah lova puh niin, Online lamah sawiselna a dawng nasa hle tih hriat a ni.

Croatia football fan lar leh itawm Ivana Knoll chu World Cup en tura Qatar ram a thlen hnuah, an ram khawpui Doha, Waterfront vela a tei hawi laiin hnute bawr lang tep a inthuamin, thawmhnaw tawt ang reng taka a ha a, a incheidan hian Qatar ram mipuite ngeng a chhun hle tih an sawi.

Instagram model Ivana Knoll hian Croatia vs Morroco inkhelh tumin, a ram Croatia tanin thawmhnaw taksa lang heuhuau a ha a, hemi hma pawh hian Waterfront vela a chetla lai leh itawm taka a inchei lai lanna video chu social media lamah a tarlang leh a ni.

Ex-Miss Croatia hian Qatar ram dan leh dun eng ber nge a bawhchhiat tih chu tarlan a ni lo nain, hremna erawh a hmuh ngei beisei a ni.

Qatar tourism authority in a lo tarlan tawh angin, mi tu pawh World Cup chhim a an ram lutte chuan an mahni hnamzia leh incheina an zahthiam tur a ni tiin thuchhuah a lo siam tawh a ni. Vantlang mipui pung khawmna ah zahawm taka inchei leh taksa lang a thawmhnaw inbel chu phal a nih loh thu tourism lam chuan thuchhuah siamin inralrinna thu an lo thehdarh diam tawh a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!